Во рамки на посетата на началникот на генералштабот на Армијата, генерал-потполковник Васко Ѓурчиновски на Вермонт, САД, денес заедно со министерката за одбрана Славјанка Петровска го посетија полигонот за обука на Националната Гарда на Вермонт, Итан Ален, каде како домаќин ги пречека командантот на Националната гарда, генералот Грегори Најт.
На тренинг полигонот Итан Ален,генералот Ѓурчиновски и министерката Петровска имаа можност да ја проследат заедничката вежба на македонските војници од четата за Атомска биолошка и хемиска одбрана и Националната гарда на Вермонт, наречена „Northern Fallout“, која претставува уште еден доказ за силното партнерство и соработка помеѓу вооружените сили на двете земји.
По посетата на воениот полигон, началникот и министерката ќе ја посетат и воздухопловната база на националната гарда на Вермонт, каде ќе бидат пречекани од командантот на единицата, полковник Даниел Финеган. Посетата на воздухопловната база ќе заврши со полетувања на ловците F-35 на военото воздухопловство на Националната гарда на Вермонт.
