Генералштаб

Мисија на Армијата

Како вооружена сила на Републиката, се организира, подготвува и оспособува за водење вооружена борба и борбени и други дејствија за остварување на својата уставна улога и функција за одбрана на Републиката, заштита на територијалниот интегритет и независноста, подготвена за исполнување на националните и на меѓународните обврски, придонес во колективната самоодбрана, меѓународните операции и заштита на пошироките национални интереси.

Мисија на Генералштабот

Генералштабот ги извршува оперативните и стручни работи во планирањето, организирањето, подготвувањето и командувањето со Армијата во целина или нејзини делови, при остварување на задачите кои произлегуваат од мисијата на Армијата.

Задачи на Генералштабот

Планирање и организација на Армијата:

Подготовка на предлог на организација и формација на Армијата;
Определување на воените потреби и приоритети за планирање на силите, анализа на врските меѓу воените потреби и достапните ресурси како и прашања во врска со НАТО стандардизацијата;
Унапредување и развој на персоналниот менаџмент, разузнавањето, контраразузнавањето, безбедноста и заштитата на сили;
организацијата, подготовката и спроведувањето на оперативните способности и борбената готовност, логистичката поддршка, обуката, финансиската поддршка и цивилно воената соработка;
Подготовка и донесување на стручни правила и упатства што се однесуваат на употребата на единиците на Армијата, внатрешниот ред и односите во вршењето на службата во Армијата и други стручни правила и упатства од значење за работа во Армијата;
Подготовка на предлог планови за опремување и модернизација на Армијата.

Планирање и употреба на Армијата:

Анализа и предлог документи за употреба на Армијата;
Координација и контрола на плановите на потчинетите команди;
Планирање на мерки, активности и постапки за подигнување и контрола на нивото на борбена готовност согласно проценетата безбедносна состојба;
Планирање на мерки, активности и постапки за поддршка на силите на МВР во справување со асиметричните закани;
Организација на активности и постапки за поддршка на централната и локалната власт во справување со елементарни непогоди;
Оперативна употреба на Армијата односно нејзини делови, а по одобрување од Врховниот командант односно по одлука на Собранието;
Организација и спроведување на набљудување, контрола и обезбедување на суверенитетот на воздушниот простор на Републиката;
Подготовки и извршување на мобилизацијата на Армијата:
Мобилизациска проценка;
Подготовка на предлог за мобилизациски развој на Армијата;
Подготовка на план за мобилизација на Армијата;
Извршување на мобилизација на Армијата или нејзини делови;
Постигнување и одржување на борбената готовност на Армијата;
Организација и следење на спроведувањето на мерките за готовност на Армијата и мерки за нивно извршување;
Контрола на борбената готовност на командите и единиците на Армијата и мерки за нејзино подобрување.

Планирање и спроведување на обуката и вежбите на Армијата:

Планирање, организирање и контрола на обука за достигнување и одржување на потребното ниво на борбена готовност на командите и единиците на Армијата и вооружените сили во целина;
Координација на обука за учество на Армијата во мултинационални операции и мисии за одржување на мирот и борба против тероризмот;
Координација на проекти за обука и вежби со НАТО и коалиционите партнери;
Планирање на вежбовните активности на Армијата.

Планирање и спроведување персонален менаџмент во Армијата:

Планирање, организирање и спроведување на обука и индивидуална професионална изградба на припадниците на Армијата;
Планирање на поставување и преместување на клучниот персонал во Армијата;
Организација на административна поддршка за менаџирање со персоналот во Армијата.

Разузнавање, контраразузнавање и заштита на силите во Армијата:

Организација на системот за разузнавање и контраразузнавање во Армијата и координација со организациони единици на надлежните институции во системот во Републиката;
Планирање и учество во организирањето и подготовката за спречување на асиметрични закани насочени кон одбраната на Републиката;
Координација и учество во работи за обезбедување на лица, команди и објекти од значење за одбраната, како и планирање и организација на регулирање и контрола на воениот сообраќај;
Планирање на мерки, активности и постапки за заштита на тајните податоци во Армијата;
Планирање и координација на активности за откривање и спречување на вршење кривични дела во Армијата.

Логистичка поддршка во Армијата:

Планирање и контрола на спроведувањето на логистичката поддршка на Армијата;
Планирање на снабдување, одржување, движење и транспорт, медицинска поддршка, инфраструктура и услуги;
Анализа на состојбите во снабдувањето со сите класи на материјали и мерки за одржување на нивото на залихи на Армијата;
Организација на систем за одржување на материјалните средства;
Организација на систем на здравствено згрижување на припадниците на Армијата;
Планирање и организација на системот за транспорт за потребите на Армијата;
Планирање на капацитетите на Армијата за сместување, одржување, обезбедување на услуги, објекти за складирање и друга инфраструктура.

Организира и подготовка на КИС:

Планирање и развој на систем за поддршка и управување со информации;
Менаџмент со фреквенции за потребите на Армијата;
Изработка на планови за врски за поддршка на командувањето и контролата на вооружените сили;
Планирање, координација и контрола на процедурите и средствата за криптозаштита во Армијата.

Планирање на финансиски средства за потребите на Армијата:

Подготовка и учество во изработката на финансиски планови за потребите на Армијата;
Спроведување на одобрените финансиски планови за потребите на Армијата.