Ј-2 Разузнавање, контраразузнавање и безбедност

Мисија и задачи

Мисија:

Собирање, анализирање и произведување на разузнавачки производи, за заштита на територијалниот интегритет, независноста и пошироките интереси на Републиката, согласно Уставот, Законот за одбрана и националната концепција за безбедност и одбрана;
Собирање, анализирање и произведување на разузнавачки производи, потребни за учество со декларирани сили во операции за поддршка на мирот и превенција на конфликти предводени од НАТО;
Разузнавачка поддршка на хуманитарни операции и операции за поддршка на мирот при справување со природни катастрофи и хуманитарни кризи.

Задачи:

Воено разузнавање:

Планира, организира и спроведува разузнавачка поддршка за потребите на Генералштабот, потребни за донесување одлуки при употреба на Армијата во различни видови операции во Републиката и странство;
Менаџмент со разузнавачки информации за потребите на Генералштабот во подготовка, планирање и изведување на различни видови операции;
Планирање, координација и синхронизација на разузнавачки операции во потчинетите команди и единици;
Планира, организира и спроведува РПБП за воени и операции различни од воените во Републиката и во странство.

Контраразузнавање:

Планира, организира и спроведува мерки за КРз во Армијата;
Детектира непријателско разузнавачки капацитети за собирање податоци;
Увид во можностите на непријателското разузнавање за попречување на непријателското влијание;
Обезбедува КРз операции заради заштита на силите.

Безбедност:

Увид во критичните точки на физичка безбедност;
Координација и извршување на безбедносна проверка и контрола.

Штабно планирање:

Поддршка на процесот на планирање и донесување на одлуки;
Поддршка на процесот на планирање и одржување на функционални врски со ВСБиР со цел обезбедување на квалитетни разузнавачки податоци и анализи;
Поддршка на задачите и обврските од доменот на работата на Генералштабот со кои се подржува мисијата;
Одговара за планирање и извршување на заштита на разузнавачки вежби;
Планови за обука;
Тренинг и обука на потчинетите.

Началник

Полковник Салија Мустафа

Полковник Салија Мустафа е роден 1978 година во Прилеп. Основно образование завршува во Житоше, средно во Кичево, а потоа и Воена академија, насока артилерија 2001 година во Скопје. Военото образование го надоградува со специјализирани студии за командни и штабни должности на Командно Штабна Академија на Универзитетот на Маринскиот корпус, Квантико – САД (2018-2019 година);

Дополнително во 2014 година завршува последипломски студии на Универзитет „Гоце Делчев“- Штип, Воената Академија „Генерал Михаило Апостолски“ – Скопје – придружна членка и се стекна со звање Магистер по безбедност и одбрана.

Својата воена кариера ја започнува како командир на артилериски вод во гарнизон Прилеп, а во текот на неговата војничка кариера, извршува командни и штабни должности меѓу кои и Офицер за врска во Централната Команда (USCENTCOM) Тампа, САД 2006-2007 година, а при трансформацијата на мисијата во Авганистан „ISAF“ во „Одлучна Подршка“ извршува должност во Команда на Главниот Град – Кабул, каде е одликуван со Медал од мисиите „ISAF“ и „Одлучна Поддршка“ (2014-2015 година).

Во досегашната воена кариера е пофалуван и наградуван од страна на министер за одбрана, началник на ГШ на Армијата и има добиено бронзена, сребрена и златна значка на Армијата.

Во текот на професионалната кариера, полковник Мустафа завршува повеќе семинари, курсеви, работилници, симпозиуми и вежби од доменот на безбедноста меѓу кои позначајни се Курс за лидери на 21-ви век, Гармиш Партенкирхен, СР Германија, курсеви за „Специјални и Напредни специјални операции во борба против тероризмот„ при Здружениот Универзитет за Специјални Операции, Флорида САД, Меѓународна компјутерска симулациска вежба „СЕЕСИМ 14“ – во Скопје, Симпозиум „Борба против насилниот екстремизам“ во организација на „Center for International Engagment“ САД, во Р. Германија, „Борба против асиметрични закани“ Центар за совршенство во Главна команда на Карабиниери – Италија, Сајбер Безбедност: Обука на ОМУ, сајбер криминални истраги – РАКВИАК Хрватска курс „НАТО сили за заштита“ Оберамергау – Германија, како и основни и напредни курсеви, обуки и школувања за разузнавање и контраразузнавање во државата, партнерски држави и НАТО школи. Активно ги користи англискиот и делумно францускиот јазик. Полковник Мустафа е оженет и родител на две деца.

Претходни должности: