Мисија:
Главниот подофицер на Армијата е одговорен за изградбата и работењето на подофицерскиот кор на Армијата како и за советување и асистирање на НГШ на Армијата за прашања од доменот на подофицерскиот кор.
Задачи:
- Обезбедува совети и предлози до НГШ за работи кои се од доменот на работа на подофицерскиот кор;
- Ги спроведува воспоставените политики и стандарди во обуката, изгледот, спроведувањето и изведбата на активностите на војниците;
- Преку каналот за поддршка на подофицерите во Армијата го насочува професионалниот развој на војниците и подофицерите во Армијата;
- Ја следи, усогласува и насочува индивидуалната обука и едукација на подофицерите и војниците;
- Го имплементира Концептот за развој на подофицерите во Армијата и го следи неговото спроведување;
- Учествува во имплементација на Концептот за команден тим во Армијата;
- Учествува во персонален менаџмент на подофицерите и на професионалните војници;
- Одговорен е за разговор и советување на подофицерите и на професионалните војници.
Главен наредник Горан Ќирковиќ
Главен наредник Горан Ќирковиќ ги извршувал сите лидерски должности во граничните единици на Армијата и баталјонот за Почести, почнувајќи од редовен војник до главен подофицер на баталјон.
Главниот наредник Ќирковиќ е роден во Скопје во 1974 година, професионалната кариера во Армијата ја започнува како професионален војник во октомври 1994 година. Посетувал основна обука и напредна индивидуална обука од родот пешадија во Командата за обука и Доктрини, Велес. Ќирковиќ има едно распоредување во Авганистан, операција „Одлучна поддршка“. Работел како професионален војник, командир на одделение и заменик командир на караула во граничните единици на Армијата од 01.10.1994 до 01.11.2003 година на караулите Чашка и Рогачево 9. Граничен баталјон и караулата Коњари – Дебар 1. Граничен баталјон, 1. Гранична бригада до неговото прераспределување во баталјонот за Почести. Во баталјонот за Почести, главниот наредник Ќирковиќ работел на секоја командна позиција од командир на одделение до главен подофицер на баталјонот.
Военото образование на главниот наредник Ќирковиќ ги вклучува сите нивоа на системот за образование на подофицери. Тој го завршил Пилот основниот курс за подофицери (Пилот со MPRI), Пилот напреден курс за подофицери (Пилот вклучува курс за прв подофицер) и дополнителни курсеви со JMTT на НАТО. Неговите награди и одликувања се: Мала плакета на Армијата, златна значка на Армијата, сребрена значка на Армијата, сребрена значка за долгогодишна служба, благодарница од Претседателот на Република Македонија, пофалници и благодарници од Началникот на Генералштабот на Армијата и Министерот за одбрана.
Активно ги користи англискиот, српскиот и хрватскиот јазик
Главниот наредник Ќирковиќ е оженет и има еден син.
Образование и обуки
- Машинско Училиште Гоце Делчев Скопје, 1988-1992
- Пилот Основен Курс за Подофицери, 2000
- Пилот Напреден курс за Подофицери, 2005
- Лидерски курс, 2005
- Курс за унапредување на обуката, 2007
- Концепт Команден Тим, 2019
- Академија за Главни подофицери на Армијата на САД во Форт Блис, Тексас, 2022-2023
Претходни должности:
- Војник по договор Граничар од 1994-2000;
- Командир на 1во одделение на караула Коњари, Дебар, 2000-2003;
- Командир на 1во гардиско одделение, 2003-2007;
- Прв подофицер во гардиска чета, 2007-2014;
- Главен подофицер во баталјонот за Почести, 2014-2022
- Главен подофицер во Армијата 2023
Унапредување:
- водник 2000-2006
- постар водник 2006-2010
- постар водник 1 класа 2010-2014
- наредник 2014-2018
- главен наредник 2018