Ј-1 Управување со персонал

Мисија и задачи

Мисија:

Да менаџира со персоналот во Армијата во мир и војна, да врши анализа и примена на законските регулативи и прописите, да спроведува селекција и водење на персоналот во текот на службата, да се грижи за моралот и состојбата на персоналот во Армијата.

Задачи:

Ј-1 е организациска единица на Генералштабот која го реализира Персоналниот менаџмент на Армијата и ги извршува следните задачи:

Го планира, управува и спроведува системот за селекција, унапредување и водење на персоналот;
Персонален менаџмент со офицери, подофицери, професионални војници и цивилни лица во Армијата;
Планирање и реализација на програмите за професионален развој, воено школство, воено образование во земјата и странство;
Анализа и распоред на персоналот според приоритетите за пополна на единиците и нивната готовност;
Програмира и спроведува програми од областа на социјална заштита;
Врши проценка и анализа на состојбата на моралот и персоналот и презема активности за негово јакнење низ соодветни мерки и постапки;
Изработува и спроведува програми од областа на културните дејности и рекреативните активности;
Го планира и реализира архивското работење во Генералштабот и за таа цел ја прима, евидентира и дистрибуира целокупно пристигнатата пошта – акти во Генералштабот;
Тесно соработува со сите J-организации за што поефикасно извршување на задачите кои се во тесна врска со J-1;
Во реализацијата на своите функции во целост ги спроведува Законот за одбрана, Законот за служба во АРМ, Законот за работни односи, Законот за ПИОМ, како и останатите законски и подзаконски акти со кои е регулирана одбраната.

Началник

Полковник Томе Јовевски

Полковник Томе Јовевски е роден на 16.09.1975 година во Крива Паланка. Основно и средно образование завршува во Скопје. Школувањето го продолжува на Воената aкадемија „Генерал Михајло Апостолски“ во Скопје во 1995 година и истата ја завршува во 1999 година како дипломиран потпоручник од родот пешадија.

Војничката кариера ја започнува како командир на вод за обезбедување во касарната „Гоце Делчев“ во Скопје. Должности кои ги извршувал за време на неговата досегашна кариера се: командир на питомечки вод; офицер за прием, контрола, предавање, воедно и заменик на командантот на Склад за основни средства, резервни делови и погонски материјали; началник на секција С-1 во баталјон; началник и офицер за планирање и операции во баталјон; офицер за персонал во бригада; началник на секцијата за персонал во Бригадата за логистичка поддршка; командант на Центарот за снабдување и транспорт; офицер за планирање на персоналот и анализи во Ј-1/ГШ; началник на Одделението за професионален развој, планирање и анализи во Ј-1/ГШ.

Военото образование го надградува на „ВА Георги Раковски“ во Софија, каде завршува Командно-штабна академија.

Има завршено повеќе курсеви од областа на персоналот во земјата и САД, како и курсеви од областа на планирање и донесување на воени одлуки во САД и Кралството Холандија, курс од областа на меѓународното воено право, курс за воени набљудувачи во Р. Турција, курс за штабни офицери во мисии на Обединетите нации во Сараево, БиХ и др.

Има учествувано во планирачкиот процес и изведувањето на вежбите Shared Resiliance 13 и REGEX 19.

Има учествувано во мисијата ISAF во Авганистан во 2016 година.

Повеќепати е наградуван од МО, НГШ на Армијата и командантите на единиците во кои бил на должност.

Унапредување: