Баталјон за почести

Мисијата на баталјонот за почести е да реализира протоколарни активности согласно правилото за воен протокол. 

Протоколарните активности и задачи, баталјонот за почести ги реализира преку:

• Оддавање воени почести на Претседателот;
• Оддавање воени почести на Шефови на странски држави, Премиери, Министри за одбрана;
• Началници на генералштабови и други високи претставници на ЕУ и НАТО;
• Прослави за одбележување на државни и воени празници;
• Реализирање на воени свечености;
• Церемонии при ден на жалост, погреби, комеморации и полагање венци на споменици на паднати херои.

Листа на суштински задачи за мисијата на баталјонот за почести:

• Одржување на постојана подготвеност и употреба на единицата за реализација на  протоколарни почести;
• Реализација на задачи и обврски на почесната стража во Резиденцијата на Претседателот;
• Одржување на високо ниво на физичка подготвеност на персоналот во единицата;
• Реализација на церемонии за промена на државните знамиња пред вилата на Претседателот, Собранието и пред Владата.

потполковник Дејан Величковски

Потполковник Дејан Величковски е роден 1977 година во Скопје. По завршување на основното и средното образование во родниот град, продолжува со воено образование на Воената Академија – „Генерал Михајло Апостолски“. По завршување на военото образование во 2001 година ја започнува својата воена кариера како Командир на падобрански диверзантски тим, а веднаш потоа како Командир на караулата „Спас“. Во текот на воената кариера извршувал повеќе должности, меѓу кои офицер за протокол во Кабинет на началникот на генералштабот но и како инструктор по англиски јазик во Командата за обука и доктрини. Од 2011 година, извршува должности во Баталјонот за почести како Командир на гардиска чета, Офицер за операции и Началник на штаб.

Во досегашната воена кариера го надградува своето воено образование преку специјализација за командно-штабни должности на Универзитетот на Маринскиот корпус во САД 2018/19 година. Има завршено повеќе курсеви за командири на водови и чета, како и напредни курсеви за англиски и турски јазик. Во текот на кариерата, повеќе пати е наградуван и пофалуван. Има учествувано во меѓународната операција „Одлучна поддршка“ во Авганистан во текот на 2020 година. Активно ги користи англискиот јазик – за кој е наставен инструктор.

Претходни должности:

• Командир на падобранско – диверзантски тим, 2001-2002 година
• Командир на караула „Спас“, 2002-2005 година
• Командир на 1. Гардиски вод во Баталјонот за почести, 2005-2011 година
• Офицер за операции во С-3 во Баталјон за почести 2011-2012 година
• Командир на 1. Гардиска чета во Баталјонот за почести 2012-2022 година
• Началник на штаб и Заменик командант на Баталјонот за почести 2022-2023 година

Унапредувања:

• потпоручник 2001
• поручник 2002
• капетан 2011
• мајор 2016
• потполковник 2022

Главен наредник Маријана Симоновска-Трајкоска

Главен наредник Маријана Симоновска-Трајкоска е родена 23 март 1977 во Скопје, каде завршува основно и средно образование. Студент на Општа Психологија, Курсеви, вежби, обуки и учество во мисии: Основен курс за подофицери (ОКПОФ) 2003-2004 година во Велес; НАТО Координативна ќелија за евакуација на пациенти BMTF, Германија; Курс за БШКПОФ, Велес; Курс за биометриска идентификација при операции за поддршка на мирот, Кабул, Авганистан; Обука за Воен протокол на АРМ, Куманово; Обука и активно учество за родова еднаквост во секторот за безбедност, Скопје; Обука за ротација на сили (BSFR 11), Романија; Обука за Штабен оперативен планирачки процес за ROLE 2, Кралство Норвешка; Вежба на Командно место, Safe Path 12; Вежба Shared Rezilience 13; Вежба Македонски блесок-9; Вежба Македонски блесок-10; Вежба „REGEX 19“ Велес; Учество во мисија ISAF-Кабул 2011/12 година; NATO Курс за Мировни Операции 2016, Камп Бутмир, Сараево; Планирачки процес за ROLE 2/BMTF, Белград, Р. Србија; NATO Курс Gender Training of trainers 2019, Р. Хрватска; Курс за односи со јавност 2019, Скопје; Планирачки процес за вежби, Приштина, Косово; Висока подофицерска школа во Загреб, Р. Хрватска 20021/22 година. Активно ги користи англискиот и хрватскиот јазик. Мажена, мајка на две деца.

Воена кариера:

• Цивилно лице во одделение за стратегиски истражувања 2001-2003 година;
• Командир-раководител на инфраструктура на Воена болница, Скопје 2003-2010 година;
• Упатување во 2/1.мпбр во гарнизон Штип 2011-2012 година;
• Командир на Командно одделение во Воено медицински центар 2012-2015 година;
• Главен подофицер во Воено медицински центар од 2015 година;
• Подофицер за оценување во Ј/7 ЗОК- Куманово од 2017-2018 година;
• Главен подофицер во Воено медицински центар од 2018 година.