Логистичка база

Мисија:

Планирање, организирање, координирање и извршување на логистичка поддршка на командите и единиците на Армијата на II и III рамниште.

Задачи:

• Планирање, организирање, координирање и извршување на логистичка поддршка во следните функионални области:

– Снабдување;

– Одржување и поправка;

– Движење и транспорт;

– Медицинска и ветеринарна поддршка;

– Инфраструктура и услуги.

• Менаџмент со материјалите од сите класи на снабдување за потребите на командите и единиците на Армијата;
• Чување и одржување на материјални резерви за Армијата според утврдени критериуми;
• Зајакнување на логистичките капацитети на единиците на Армијата при изведување на обука, работа во теренски услови, борбено ангажирање и учество во мисии;
• Координирање на поддршката на сојузничките сили кои транзитираат или се задржуваат на територијата на Републиката;
• Извршување на логистичка поддршка за потребите на органите на управата и органите на локалните самоуправи, организации, здруженија и др. ( во посебни услови и по посебни наредби и упатства).

Полковник Мухарем Мухареми

Полковник Мухарем Мухареми е роден на 9 октомври 1976 година во Тетово. По завршување на средното образование во гимназијата „Кирил Пејчиновиќ“ во Тетово, во период од 1991 до 1995 година, продолжува со воено образование во Воената Академија „Генерал Михаило Апостолски“, Скопје во период од 1995 до 1999 година, како дел од првата генерација на офицери кои се школувани во државата, а потоа и Постдипломски Студии – Школа за Командни и Штабни должности, 2005-2006 година и Школа за национална одбрана – НАТО колеџ во Рим – Р. Италија во 2013 година.

Воената кариера ја започнува како Командир на караула Попова Шапка во 1999 година. Во досегашната негова кариера извршува повеќе командирски, штабни должности на ниво баталјон/бригада и командантска должност. Активно го користи англискиот јазик. Брачна состојба: оженет и татко на едно дете.

Има завршено повеќе курсеви од областа на штабни должности во меѓународни штабови, оценувања на декларирани единици, планирање на меѓународни вежби и други.

Дел од завршените курсеви се следниве:

• МПРИ Курс во Куманово 1999 година;
• Курс по англиски јазик, во Скопје 2004 година;
• Курс по англиски јазик во Канада, 2005 година;
• Курс за контрола на вооружување, во Анкара, Р. Турција 2008 година;
• Курс за ОСС, во Пепелиште 2008 година;
• Основен курс за LOGREP, Скопје, 14.-18.09.2009 година;
• Курс за воени набљудувачи во рамки на ОН во Анкара, Р. Турција 2009 година;
• Курс за антитероризам, во Кабул, Р. Авганистан, 2009 година;
• Курс за НАТО планирање на операции, во Штип 2011 година;
• Курс за штабни должности во баталјон, Скопје 2012 година;
• Курс за Медиа Тренинг, Скопје 2014 година.

Учествува на повеќе меѓународни вежби надвор од Републиката како што се вежбите „Rapid Trident“ во Украина во 2008 година, меѓународна вежба „Noble Light“ во Истанбул, Р. Турција во 2011 година и меѓународна вежба „VIKING“ во Шведска во 2014 година.

Во својата кариера има и две меѓународни мисии во Авганистан како Штабен офицер HQ ISAF во Кабул Р. Авганистан во период од 2009 до 2010 година и Командант на контингент – HQ ISAF во Кабул Р. Авганистан во 2012 година.

Повеќе пати е наградуван и пофалуван, меѓу кои позначајни се:

• Пофалница од Командант на 2.пбр;
• Сребрена значка за долгогодишна служба во Армијата;
• НАТО медал за учество во мисија ISAF во 2010 и 2012 година;
• Пофалница од Командант на BSG во Кабул, Р. Авганистан, во 2012 година;
• Парична награда од НГШ во 2019 година.

Претходни должности:

• Командир на караула Попова Шапка 1999 година;
• Командир на караула Јажинце, 2000 година;
• Командир на противоклопен вод Тетово, 2003 година;
• Командир на чета Тетово, 2004-2006 година;
• Началник на Штаб и заменик на командант на механизиран пешадиски баталјон, 2006-2013 година;
• Командант на 3.логистички баталјон Скопје, 2013-2015 година;
• Началник на Штаб во брЛП, 2015-2017 година;
• Заменик командант на брЛП, 2017-2019 година;
• Командант на брЛП, 02.2019-2020 година;
• Командант на Логистичка База 02.2020 година.

Унапредувања:

• Потпоручник 1999-2000 година;
• Поручник 2000-2004 година;
• Капетан 2004-2009 година;
• Мајор 2009-2013 година;
• Потполковник 2013-2017 година;
• Полковник 2017 година.

Потполковник Саше Јакимовски

Потполковник Саше Јакимовски е роден на 17 февруари 1972 година во Скопје, Република Македонија, каде завршува основно и средно училиште, а во период од 1991 до 1996 година студира на Машинскиот факултет во Скопје-Универзитет Кирил и Методиј – Скопје и дипломира на отсекот за производно машинство. Во 1999 година продолжува со образование на Воената академија „Генерал Михајло Апостолски“ – Скопје, успешно го завршува Курсот за Офицери за служби во АРМ, при што е промовиран во чин поручник.
Воената кариера ја започнува како командир на вод во касарна Ѓорче Петров. Во досегашната кариера извршувал повеќе командни и штабни должности и тоа:

• Командир на вод во Техничка наставна чета во Логистички наставен центар-Скопје;
• Командир на чета во Техничка наставна чета во ЦОГ и РБСП-Велес;
• Офицер за одржување на борбени возила вооружување и воена опрема во одделение за одржување во Г4/ГШ на АРМ;
• Командант на Технички ремонтен центар, во Бригада за логистичка поддршка, во Здружена оперативна команда;
• Началник на центар за управување со материјали, во Бригада за логистичка поддршка, во Здружена оперативна команда;
• Началник на штаб во Логистичка база.

Своето воено образование во 2014/15 година го надградува на Воената академија „Генерал Михајло Апостолски“ – Скопје каде завршува специјалистички студии за командни и штабни должности.

Професионалниот развој во текот на кариерата го гради и преку учество и завршување на повеќе курсеви во земјата и странство и тоа: Курс за оперативно логистичко планирање во НАТО школото во Oберамергау, курс за логистичко планирање во Загреб, Учење на далечина – напредно ниво, Курс за трошоци на животниот циклус, Машински факултет Скопје, Основен курс за LOGREP, Скопје. Активно учествува во повеќе работилници за поддршка во мировни операции, вежби во земјата „LOGEX 09“ и др.

За време на досегашната воена кариера за своето залагање, покажаните и постигнатите резултати во процесот на борбената обука, образованието и градењето на Армијата, повеќе пати е наградуван и има добиено награди, Плакета од министерот за одбрана, Златна плакета и парична награда од началникот на Генералштабот на Армијата како и награди од претпоставените команданти.

Потполковник Саше Јакимовски е оженет, татко на две деца. Има познавање на Англискиот јазик, а негово хоби во слободно време е читање книги, спорт и музика.

Главен наредник Адмир Цуцак

Главен наредник Адмир Цуцак е роден на 30.03.1981 година во Велес. Основно образование во завршува во с. Долно Оризари Велес, средно стручно образование „УСО Коле Неделковски“ во Велес. По завршување на задолжителниот воен рок на караула Љубаништа, војничката кариера ја започнува како професионален војник во Логистичкиот баталјон во Кичево, каде после одредено време го добива и првиот подофицерски чин. Во периодот кој следува, истиот како подофицер ги вршеше следните подофицерски должности: Подофицер за снабдување до 2004, командир на ПП одделение и ракувач до 2006 година, ракувач на класа 2 МС и ракувач до 2008 година, командир на вод за Снабдување и Транспорт до 2009 година, прв подофицер во логистичка чета до 2016 година, Главен подофицер на Логистички баталјон до 2023 година. Повеќе пати е пофалуван и наградуван во рамките на единиците кај што работел, од страна на сите нивоа на одлучување.

Претходни должности:

2002-2004 година – Возач во чета за санитетски транспорт, Логистички баталјон во Кичево;
2004-2004 година – Подофицер за снабдување во чета за одржување, Логистички баталјон во Кичево;
2004-2006 година – Командир на одделение за ПП заштита и ракувач во логистичка чета, центар за обука на граничари во Велес;
2006-2008 година – Ракувач на класа 2 МС, одделение за Снабдување, вод за санитетски транспорт, 3 чета за логистичка поддршка, 3 логистички баталјон;
2008-2009 година – командир на вод за санитетски транспорт, 3 чета за логистичка поддршка, 3 логистички баталјон;
2009-2016 година – прв подофицер во 3 чета за логистичка поддршка, 3 логистички баталјон;
2016-2023 година – Главен подофицер во 3 логистички баталјон;
2023 – Главен подофицер во Логистичка база.

Унапредувања:

2004-2007 година – водник
2007-2011 година – постар водник
2011-2015 година – постар водник 1кл
2015-2019 година – наредник
2019 – главен наредник

Мајор Дејан Наумовски е роден на 30.03.1970 година во Ниш, Р. Србија. По завршеното основно образование, две години учи во Средното медицинско училиште „Др.Миленко Хаџиќ“ во Ниш, Р. Србија, од каде се запишува и успешно го завршува истото 1989 година во Воената гимназија „Братство-Јединство“ во Белград, Р. Србија. Високото образование го започнува во Воената академија на Копнената војска во Белград, Р. Србија. Школувањето го продолжува на Природно-математичкиот факултет отсек Физика во Приштина. Во 1993 година по отворањето на Воената академија „Генерал Михаило Апостолски“ во Скопје, продолжува со воената наобразба и истата ја завршува 1994 година, насока пешадија. Успешно има завршено „Курс за штабни офицери во баталјон 2013 година“. Повеќе пати е наградуван во рамките на 2.механизирана пешадиска бригада во Кичево, 2.логистички баталјон во Кичево и Логистичката база во Скопје. Оженет е и татко на едно дете.

Претходни должности:

1994-1995 година – Наставник по гранична служба во 13.пбр Кичево

1995-1997 година – Командир на караула „Шпиље“ – Дебар

1997-2000 година – Командир на вод во 1.пешадиски баталјон – Кичево

2000-2006 година – Референт за ОЛР,ППЗ и ХТЗ во 2.мпбр” – Кичево

2006-2019 година – Началник на С-3 во 2.логистички баталјон – Кичево

2019-2020 година – Началник на С-3 во Центарот за снабдување и транспорт – Скопје

2020-2023 година – Офицер за б/г и операции во Логистичка база – Скопје

2023  Офицер за односи со јавност во Логистичка база – Скопје

Унапредувања:

1996 година – поручник

2000 година – капетан

2009 година – мајор