На 24 Февруари во касарната „Алексо Демниевски – Бауман“ Велес во Центарот за индивидуална обука (ЦИО) пристигнаа 214 граѓани за доброволно служење на воениот рок од различни краеви на нашата држава. Меѓу нив и овој пат има 14 припаднички од женскиот пол кои имаат желба да бидат доброволни војници. Ова е дваесет и втората генерација граѓани кои идните три месеци доброволно ќе го служат воениот рок.
Командата за обука и доктрини како главен носител на процесот на обуката и единствен центар за реализација на обука на граѓани на доброволно служење на воениот рок подготвено ги прими и смести младите војници.
По краткиот период за прилагодување започнува обуката која има разновидни програмски содржини. Знаењето што ќе го стекнат војниците во идните три месеци ќе биде основа за понатамошен нивен развој како идни припадници на АРМ.
