Согласно годишниот календар за обука на 1.пешадиска бригада (1.пбр), клучниот персонал од командата и штабот со командантите и командирите на потчинетите единици, реализираа командантско извидување на просторот во западниот дел на државата во реон на Попова Шапка со доследно почитување на протоколите за заштита од вирусот ,,Ковид 19“.
Целта на оваа активност беше извидување и запознавање на просторот, како дел од обуката за тактичко планирање и согледување на воено-географските карактеристики на теренот, организација на одбраната и начинот на содејство и координација со останатите субјекти на одбраната.
Во рамки на командантското извидување, беше реализиран и месечен состанок на командантот на 1.пбр со командантите и командирите на потчинетите единици, за состојбата, тековните задачи во единиците и плановите за периодот што следи.
ГЃ/ЧС
