Во периодот од 01-03 октомври 2014 година, во артилерискиот баталјон (артб) од составот на 1. механизирана пешадиска бригада (1.мпбр) се реализираше стручно специјалистичка обука на тимови на предни набљудувачи и специјалисти за огнена поддршка.
Како предавачи на обуката беа ангажирани старешини од артб кои своите знаења и вештини од оваа област ги пренесоа на тимовите на предни набљудувачи и специјалисти за огнена поддршка од единиците на АРМ.
Обуката која се реализираше во два дела (теоретски и практично), ја посетија вкупно 42 припадници на тимовите на предни набљудувачи и специјалисти за огнена поддршка од единиците на 1.мпбр и полкот за специјални операции.
Целта на оваа обука е утврдување и надоградба на стекнатите знаења од оваа област, што ќе доведе до надградба на стандардните оперативни процедури (СОП) и постигнување на еднообразност во постапките во сите единици на АРМ.
