Во периодот од 17.03. до 28.03.2025 година, во касарната ,,Мирче Ацев“ во Прилеп, во просториите на Артилерискиот баталјон (артб) од составот на Првата пешадиска бригада (1.пбр), се реализираше Обука за системот за командување и контрола со огнената поддршка.
Во текот на обуката, персоналот од Артилерискиот баталјон и персоналот од родот артилерија од пешадиските баталјони од составот на 1.пбр, теоретски и практично, се стекнаа со знаења за новиот систем за командување и контрола со огнената поддршка, кој ќе биде во употреба во единицата, со што значително ќе се подобри борбената способност на артб за извршување на задачи.
Обуката беше реализирана од страна на инструктори од компанијата ,,АСЕЛСАН“ од Република Турција и истата ќе продолжи и во наредниот период. Системот е дел од процесот на модернизација на Армијата.
ГЃ/ДЧ
