На ден 29.11.2013 година ученици од основното училиште „Јан Амос Коменски“ остварија неколкучасовна посета на воздухопловната бригада како дел од соработката која вбр ја има со цивилните структури, а со цел запознавање на најмладата популација во државата со средствата и активностите на бригадата.
При посетата учениците ги поздрави командантот на бригадата, полковник Кире Колевски и им посака топло добредојде, потоа им прикажано видео за воздухопловната бригада и им дадовме можност за прашања при што покажаа голем интерес за хеликоптерите и работата на пилотите.
Учениците во текот на посетата имаа можност да се запознаат со дел од персоналот од воздухопловната бригада и работата која ја вршат иститие. На задоволство на посетителите, беа изложени неколку воздухоплови во кои тие имаа можност да влезат и да ги разгледуваат, покрај секој воздухоплов се наоѓаше по еден пилот и техничар летач за да одговорат на сите прашања на возбудените млади посетители.
Посетата заврши со воодушевување од учениците од виденото и со нивно ветување дека ќе учат напорно и дека за некое време дел од нив ќе станат пилоти и ќе летаат на „металните птици“. Ние ги испративме со воодушевување од нивниот ентузијазам и желба за знаење и истражување на непознатото.
Овој прекрасен ден го заокруживме со преубава дружба со млади луѓе пред кои што е иднината, и задоволство е да се види со каков ентузијазам се интересираат за летањето и служењето на татковината.
Воздухопловната бригада е секогаш подготвена да одговори на сите барања на своите граѓани, како и за секаков вид на соработка.
