Ученици од основното училиште „Коле Неделковски“ од Скопје остварија посета на воздухопловната бригада (вбр), како дел од соработката која ја има со цивилните структури.
Учениците во текот на посетата имаа можност да се запознаат со дел од персоналот од воздухопловната бригада и работата која ја вршат истите. На задоволство на посетителите, беа изложени неколку воздухоплови во кои тие имаа можност да влезат и да ги разгледуваат, покрај секој воздухоплов се наоѓаше по еден пилот и техничар летач за да одговорат на поставените прашања.
Посетата беше збогатена со презентација на видео материјал за вбр, со многу поставени прашања и песни за воздухопловите. Креативните ученици од основното училиште „Коле Неделковски“ подарија макета на воздухоплов и благодарница од директорот на училиштето за одличната соработка.
ГИ/БР/ЧС/БН
