Во период 11-15.11.2019 година, на Армискиот полигон “Криволак“, новопримените припадници на баталјонот на Воена полиција реализираа основна и напредна воено-полициска обука во теренски услови со гаѓања со лично и колективно вооружување со кое располага единицата.
За време на обуката беа реализирани теми од: воено-полициска обука, тактичка обука, воена топографија, борбени вештини, тактички маршеви како и задачи поврзани со мисијата на единицата се со цел новопримените припадници да ја усовршат и унапредат координацијата при изведување на воено-полициски задачи.
Исто така, преку подготвителните гаѓања, новопримените припадници во единицата имаа можност тимски да се обучат и извежбат во тактики, техники и процедури при брзо и сигурно уништување на различни цели на бојното поле.
ДЃ/КН/ЧС/БН
