Во период од 24 до 25.09.2014 година во просториите на Здружената Оперативна Команда (ЗОК) се реализира обука и извежбување на припадниците од ЗОК во работа на командно место.
Активноста „Вежба на командно место“ (ВКМ) се реализира согласно Упатството за вежби на АРМ, со цел извежбување на потребните процедури на штабот во процесот на донесување на воени одлуки (ПДВО).
Во текот на работата старешините од ЗОК и секциите од командата се извежбуваа во постапките при планирање и подготовки на ВКМ и ги надградуваа своите знаења во примена на процедурите во ПДВО и изработка на борбени документи.
ВКМ е редовна активност на ЗОК која се изведува врз основа на Годишниот План за работа, согласно Упатставата за ПДВО и прифатените НАТО стандарди и процедури.
