Мисија:
Изведува противвоздушна одбрана на елементи од борбениот распоред на единиците и командите на Армијата, објекти од посебно значење за одбраната на Републиката на мали височини во заштита и одбрана на суверенитетот и територијалниот интегритет на Републиката.
Задачи:
- Планирање:
- Анализа на односот меѓу воените потреби и воените ресурси;
- Имплементација на прашање во врска со НАТО стандарди;
- Унапредување и развој на персоналниот менаџмент, разузнавање, контраразузнавање, безбедност и заштита на сили, организација, подготовка во и спроведувањето на оперативните способност и борбената готовност, логистичката поддршка, обуката, финансиската поддршка и цивилно воената соработка;
- Доставува предлози за донесување на стручни правила и упатства од делокругот на употребата, внатрешниот ред и односите во вршењето на службата во Армијата и други стручни правила и упатства;
- Подготовка на предлог планови за опрема и модернизација.
- Планирање и употреба:
- Анализа, планирање и изработка на должности за употреба на единицата или нејзини делови;
- Координација и контрола на плановите на потчинетите единици;
- Планирање и реализација на мерки, активности и постапки за подигање на нивото на борбена готовност согласно проценетата борбена готовност и добиените наредби;
- Контрола на достигната борбена готовност на потчинетите единици;
- Планирање и реализација на мерки, активности и постапки за поддршка на силите на МВР во справување со асиметрични закани;
- Планирање и реализација на активности и постапки за поддршка на централната и локалната власт во справувањето со елементарни непогоди;
- Оперативна употреба на единицата, односно нејзини делови, и по наредба на вВИНГ;
- Подготовка и извршување на мобилизација;
- Мобилизациска проценка;
- Изработка на предлог за мобилизациски развој;
- Изработка на план за мобилизација;
- Изведување на мобилизација на единицата или нејзини делови;
- Постигнување и одржување на б/г;
- Преземање и спроведување на мерки на готовност на бПВО и мерки за нивно извршување;
- Контрола на борбена готовност на единиците и преземање на мерки за нејзино подобрување.
- Планирање и спроведување на обука и вежби:
- Планирање, организирање и контрола на обука за достигнување и одржување на потребното ниво на борбена готовност на единиците;
- Обука на персоналот за учество во мултинационални операции и мисии за одржување на мирот и борба против тероризмот;
- Учество на вежби со НАТО и коалиционите партнери;
- Планира и обучува персонална декларирани единици;
- Планирање, организирање и изведување на вежбовни активности;
- Оценување на баталјонот.
- Планирање и спроведување на персонален менаџмент:
- Планирање, организирање и спроведување на обука и индивидуална професионална изградба на персоналот;
- Планирање поставување и преместување на персоналот;
- Административна поддршка за менаџирање со персонал.
- Разузнавање, контраразузнавање и заштита на силите:
- Поддршка на системот за разузнавање и контраразузнавање во Армијата и координација со организациони единици на надлежните институции во системот во зоната на одговорност;
- Учество во планирањето, организирањето и подготовката за спречување на асиметрични закани насочени кон одбраната на Републиката;
- Анализа и проценка на можните безбедносни закани кон и од персоналот и МТС;
- Реализација и мерки, активности и постапки за заштита на тајните податоци;
- Планирање и спроведување на мерки и активности за откривање и спречување на вршење на кривични дела.
- Логистичка поддршка:
- Планирање, координирање, реализација и контрола на логистичката поддршка (снабдување, одржување, движење и транспорт, медицинска поддршка и инфраструктура);
- Анализа на состојбите во снабдувањето со сите класи на материјали;
- Преземање на мерки за одржување на нивото на залихи;
- Одржување на материјални средства;
- Здравствено згрижување на персоналот;
- Планирање и организација на транспорт за потребите на единицата;
- Менаџирање со капацитетите за сместување, одржување,објекти за складирање и друга инфраструктура.
- Организирање и подготовка на КИС:
- Изработка на план за организација и реализација на врските за поддршка на командувањето и контрола со потчинетите единици;
- Спроведување на мерки, процедури и активности поврзани со организацијата на системот за криптозаштита.
- Планирање на финансиски средства:
- Подготовка и учество во изработка на финансискиот план;
- Реализација на финансискиот план.
Мајор Кирил Илиев
Мајор Кирил Илиев е роден 11.10.1980 година во Велес. По завршување на основното и средното образование во Велес, продолжува со воено образование на Воена Академија „Генерал Михаило Апостолски“ во Скопје. Воената кариера ја започнува како офицер на АРЕ ПВО. Во досегашната кариера извршува повеќе командирски и штабни, должности на ниво на баталјон и бригада, а од 17 јануари 2020 година е поставен за Командант на Баталјон за Против воздушна одбрана.
Има завршено повеќе курсеви за штабни должности, курс за ЛПРС Игла во Република Словенија и курсеви за контрола и управување со ВоП како Курс за конзола MASE (Контрола и управување со ВоП) и Курс за Процесни функции на секција за набљудување во оперативен центар во Република Хрватска. Учествувал на повеќе воени вежби во Републиката. Повеќе пати е наградуван и пофалуван, меѓу кои позначајни се наградно отсуство од МО во 2013 година и наградно отсуство од НГШ во 2015 година. Активно го користи англискиот јазик. Мајор Кирил Илиев е оженет и татко на едно дете.
Претходни должности:
- Командир на ракетен вод РС С-10М во 3.бПВО 2003-2005;
- Извршување на командирски и штабни должности во бПВО 2005-2008;
- Командир на вод во бПВО 2008-2012;
- Офицер за обука и вежби во секција А-7 во вбр 2012-2019;
- Заменик Командант во бПВО 2019-2020.
Унапредувања:
- Потпоручник 2003-2008
- Поручник 2008-2011;
- Капетан 2011-2016;
- Мајор 2016.
Групата старешини која работеше на изработката на формациите на единиците и командите на АРМ, по осамостојувањето на Република Македонија, ја изработи и формацијата на лесниот артилериско ракетен полк ПВО.
На поставувањето на формацијата, на изборот на старешините и нивното распоредување на соодветни должности работеа: потполковник Митко Стоименов, мајор Анче Арсов, з1к. Стојчо Спасов и пв1к. Сашо Сиљановски. Првиот работен ден на полкот започна на 6ти април 1992 година во касарната Петровец со првиот состанок на старешините од полкот. Должноста на командантот на полкот во текот на 1992 година до 13.11.1993 година ја вршеше мајор Анче Арсов покрај својата редовна должност – началник на штабот, застапник на Командант на полкот, додека формациското место командант беше непополнето.
Веднаш со започнувањето на работата во единицата, старешините почнаа со подготовките за прием на нови војници во полкот кој започна на 15ти април 1992 година, кога во полкот пристигна и првиот војник – Илија Цане Ристов, од Кавадарци, роден на 26.01.1972 година. Во наредните пет дена, до 20ти април 1992 година, во единицата се примени вкупно 55 војници од кои 52 Македонци и 3 Турци.
Обуката на војниците започна на 27ми април 1992 година.
Првата генерација војници на АРМ ја дадоа свечената обврска на 9ти мај 1992 година во касарната „Илинден“.
Првото гаѓање цели на земја со АРЕ ПВО изведено е на 16ти јуни 1992 година на полигонот „Криволак“.
На 13.11.1993 година на формациското место командант на полкот ПВО дојде потполковник Миле Стојановски.
На 1ви март 1994 година донесена е нова мирновремена формација на ларп ПВО со која е замената старата. Во 1994 година командант на ларп ПВО се уште беше потполковник Миле Стојановски. На 17.11.1994 година за началник на штаб должност прими потполковник Христо Ристов. Во текот на 1994 година изведени се гаѓања со пешадиско вооружување. Изведено е гаѓање цели на земја со артилериско вооружување (ПАТ 20/3 мм и ПАТ 40 мм) на армискиот полигон „Криволак“.
Во 1995-1996 година командант на ларп ПВО е потполковник Миле Стојановски. Во месец април во 1996 година во полкот ПВО се формира ЦО на родот АРЕ ПВО за потребите на АРМ, каде се почна со БОиВ на војниците во периодот на обука на поединец. Со тоа практично старешините на полкот ПВО почнаа да работат по новата МФ. Во месец октомври 1996 година е формиран и дивизионот ПВО, каде ќе се реализира БОиВ на единици.
Пополнетоста на полкот се зголеми со добивање на 1 м/в ТАМ 4500 и 5 м/в ИВЕКО 80.17. Центарот за обука пополнет е со 12 ПАТ 20/1мм М-75.
На ден 01.09.1997 година должноста Командант на полк ПВО ја прими потполковник Атанас Јовчевски.
На ден 26.08.1998 година должноста Командант на полк ПВО ја прими потполковник Анче Арсов.
Животот, работата и обуката на командата и единиците на 3.бнПВО во текот на 2001 година е реализирана во два периода и тоа:
Во првата половина од годината единицата се уште функционираше како полк ПВО, во кој се обучуваа војници од ЦО ВВиПВО и војници во дивизионот ПВО, како и постојана ангажираност на единицата во услови на зголемени мерки на б/г во обезбедувањето на аеродромот Петровец, касарната Чојлија и други објекти на територијата (Дренов Дол, караула Гошинце и Умин Дол).
Во втората половина од годината единицата е преформирана во 3.баталјон.
Извршена е дислокација на единицата од аеродромот Петровец во касарната Чојлија.
На ден 15.20.2001 година започнат е процесот на професионализација на единицата со приемот и обуката на професионалните војници (во тој период извршен е прием на 37 професионални војници).
На ден 08.09.2001 година единицата од полк ПВО се трансформираше во баталјон, а центарот за обука на ВВ и ПВО продолжи да функционира во составот на командата за обука.
На 06.11.2001 година извршено е примопредавање на должноста Командант на 3.бнПВО помеѓу вршителот на должноста мајор Митриновски Ѓорѓи и потполковник Илиевски Славе.
Во текот на 2002 година извршени се детални подготовки и изработена е најновата формација на 3.баталјон ПВО (мирновремена и воена).
До месец јуни 2003 година Командант на единицата беше потполковник Славе Илиевски, а потоа должноста ја прими потполковник Блаже Ристов.
Во истата година имаше и трансформација на единицата според новата формација, со што голем дел од персоналот премина во редовите на МВР и граничната полиција.
До месец ноември 2004 година Командант на единицата беше потполковник Блаже Ристов, а потоа должноста времено ја прими мајор Љупчо Георгиевски.
Во 2005 година 3.бнПВО е трансформиран во баталјон ПВО каде како командант должноста ја прими мајор Јаким Николовски.
Во 2007 година, согласно партнерските цели изработен е предлог план за формирање на деклариран вод за ПВО и истиот заживеа 2010 година, со отпочнување на подготовките за вежбата „Македонски Блесок 07“ кога и официјално се одобрени сите документи за водот. Командир на водот е капетан Кирил Илиев. Наменет е за ПВО на командното место и единиците на средната пешадиска борбена група (СПБГ). Истиот брои 42 лица.
Во 2008, 2009 и 2010 година реализирани се гаѓања со п/в (подготвителни и поединечни), гаѓањата со ПАТ 20/3 мм и гаѓање со ЛПРС „Игла“. Во соработка со ВС на Р. Словенија организирано е стационарно логорување со боеви гаѓања на цели во ВоП со ЛПРС Игла и реализирана е вежбата „Предизвик 08“.
Во горе наведеното се гледаат почетоците на ПВО, започнувајќи како полк, дивизион, 3.бнПВО, како во 2011 година тој е веќе самостоен баталјон ПВО со командант потполковник Илиев Зоран за веќе во 2012 година баталјон ПВО е во рамките на воздухопловната бригада со командант, мајор Трајче Денчевски.
Што се однесува до опременоста на бПВО, таа се реализирала по следното: на 23-ти април 1992 година се донесени првите 2 ПАТ 20/3 мм. Истиот ден од РШТО – Скопје превземени се уште 4 ПАТ 20/3 мм. На 28-ми и 29-ти април преземени се и 36 ПАТ 40 мм М-12 од работните организации „Рафинерија“, „Охис“, и „Железара“. Во месец август 1992 година, променето е личното вооружување на единицата, воведени се наместо ПАП, ППШ М-41.
Во 1993 година единицата е пополнета со ПА топови 20/3 мм и со ПАТ 40 мм М-12.
Во 2000 година единицата е пополнета со шест рачни радио станици П-210 и 12 автоматски телефони а во 2001 година извршен е прием на нови РС за ПВО „СТРЕЛА-10М“ и ИГЛА.
На 19.07.2001 година почна процесот на опремување на единицата со современи средства за ПВО, со пристигнувањето на ракетните системи „СТРЕЛА-10М“. Во годинава единицата располага со 4 (четири) товарни м/в ИВЕКО, 2 м/в ИЛТИС и м/в ЛАДА РИВА. Што се однесува до опременоста единицата располага со современи средства за врски.
Во 2002 година единицата е пополнета со: санитетско возило, теренски и патнички м/в, додека во 2003 година единицата е обезбедена со три цистерни за вода кои ги задоволуваат потребите на истото.
Почнувајќи од формирањето на бПВО па до 2012 година, бПВО во 2012 година располага со 5 товарни м/в ИВЕКО, 1м/в ЛАДА САМАРА, 3 теренски м/в Пинцгауер, 2 теренско м/в ПУХ и 1 цистерна за гориво ДАФ, 1 Ландровер-Дефендер 110 земен на реверс од 2.мпбр., 8 СЛО-10М и 1 ОТ-Леонидас и 4 ПАТ 20/3 мм.
