Со воена свеченост во касарната „Илинден” – Скопје, согласно военит протокол и придржување на мерките и препораките од комисијата за заразни болести, се изврши примопредавање на должност командант на 3.логистички баталјон помеѓу мајор Седат Мемети и потполковник Гоце Јорданов кој ја прими новата должност.
На воената свеченост присуствуваа командантот на Логистичката База во чиј состав е баталјонот, полковник Мухарем Мухареми, началниците на секции од базата, командантите на прво потчинетите единици на базата и команданти на единиците на Армијата лоцирани во касарната Илинден.
Полковникот Мухареми во своето обраќање го истакна значењето на 3.логистички баталјон во извршувањето на логистичката поддршка на најголемиот број на единици и команди на Армијата во зоната на одговорност односно гарнизоните Скопје и Петровец, како и на многубројните меѓународни активности кои се случуваат. Притоа на досегашниот командант му посака успеси во понатамошната кариера и благодарност за постигнатото во единицата, а на новиот командант му посака успешно извршување на должноста и правовремено и квалитетно извршување на работните задачи.
Досегашниот командант, мајор Седат Мемети во своето обраќање истакна дека е голем предизвик, воедно и обврска да ја води и командува оваа единица по патот на успехот кој го трасираа претходните команданти. Со подигање на професоинализмот на повисоко ниво, тимска работа како и градење на коректно и меѓучовечки односи. Исто така, го истакна досегашното задоволство од постигнатите резултати на персоналот при што изрази благодарност за поддршката која му беше доверена при извршување на задачите од мисијата на 3.логистички баталјон.
Во своето обраќање ново поставениот командант потполковникот Јорданов, истакна дека му претставува особена чест и задоволство за укажаната доверба да командува со 3логб. со уверување дека и понатаму ќе продолжат навремено и целосно и ефикасно да ги извршуваат задачите кои произлегуваат од мисијата. Воедно заблагодарувајќи се на досегашниот командант за постигнатото ниво на оперативната готовност на единицата.
На крајот од свеченоста, со церемонијално примопревање на военото знаме помеѓу стариот и новиот командант на 3.логистички баталјон и официјално се изврши примопредавање на должноста.
ЗВ/СЛ
