Во баталјонот за медицинска поддршка (бМП) во период од 27.02.-10.03.2023 година, успешно се реализира „Основен курс за прва медицинска помош за животоспасувачи“, на кој учествуваа припадници од повеќе единици од Армијата.
Наставните содржини се изведуваа во Одделението за медицинска обука ОМО/бМП, преку теоретска настава и низ практично извежбување при што слушателите ги совладаа постапките за давање прва медицинска помош во предболничко згрижување на повредени. Стекнатите знаења, вештини и техники се значајни за учесниците на полето на професионално усовршување во рамките на нивната поставеност во своите единици, кои воедно се потребни при упатување во меѓународните операции.
На крајот од курсот, беа доделени сертификати за сите учесници на курсот.
ЗВ/ММ
