Во тековниот период, како дел од планираните активности за обука, припадници на баталјонот за специјални сили успешно реализираа обука во зимски услови на падините на Осоговските Планини во реонот на Пониква.
Со реализираните активности и реалните услови за ваков вид на обука се постигна основната цел во однос на одржување на нивото на потребната подготвеност на единицата за извршување на задачи во планински зимски услови и ниски температури.
За време на обуката се реализираа теми од изработка на објекти за престој во зимски услови, тактички постапки со користење на скии, движење и ставови за гаѓање, прва помош и маскирање во зимски услови.
