Ученици од Центар за развој, едукација и советување „Маша Марија“ од Скопје денес го посетија Воздухопловниот ВИНГ.
Во рамки на посетата учениците извршија обиколка на воздухопловните единици Хеликоптерскиот сквадрон и Сквадрон за обука и тренинг и имаа можност да се запознаат со средствата со кои ја извршуваат својата мисија, а накратко беа запознаени и со предизвиците на професиите воен пилот, инженер и техничар.
Учениците, преку разговор со дел од персоналот, добија одговор на прашањата за кои пројавија интерес.
