Согласно сценариото за вежбата на Првата пешадиска бригада (1.пбр), започна реализацијата на вежбовните активности и задачи на единиците учесници на вежбата.
Борбените вежби се реализираат на АП „Криволак“ и ЦО „Пепелиште“, додека пак компјутерски асистираните вежби се реализираат со помош на системот JCATS во Командата за обука и доктрини (КОД) во Велес.
Согласно активностите за вежбата се реализираат вежбовни офанзивни борбени дејства со артилериска и инженериска поддршка, како и соработка со единици од Баталјонот за специјални сили и воздухопловниот ВИНГ.
Во обиколка на активностите беа началникот на ГШ на Армијата, генерал-мајор Сашко Лафчиски и командантот на Командата за операции, бригаден генерал Бесник Емини.
Во посета на Тактичкиот оперативен центар на командата и штабот на 1.пбр, во ЦО „Пепелиште“ беа командантот на КОД, полковник Васко Коколански со клучниот персонал од командата и штабот на КОД.
ГЃ/ДЧ
