Во период од 22 до 25.06.2021 година, во Кампот за обука на вода (КОВ) Езерица и реонот на Охридското Езеро се изведе пребазирање и летачка обука над водени површини. На обуката беше ангажиран хеликоптерскиот сквадрон при воздухопловниот ВИНГ од Армијата на Република Северна Македонија и припадници на Планинската Спасителна Служба (ПСС) при Црвениот Крст Охрид.
За време на обуката, беа презентирани способностите на учесниците, и се изведоа серија на вежби на земја и летачки активности со цел зголемување на интероперабилноста помеѓу хеликоптерскиот сквадрон и ПСС Охрид.
На крајот на активноста на 24.06.2021 година во периодот од 16 до 19 часот, хеликоптерскиот сквадрон, флајтот за пребарување и спасување и Планинската Спасителна Служба за пошироката јавност во Општина Охрид организираа презентација на својата опрема и задачите кои ги извршуваат.
