Во касарната „Илинден“ во Скопје, денес, 3 јули 2026 година, во присуство на претседателот на Владата Христијан Мицкоски, министерот за одбрана Владо Мисајловски, началникот на Генералштабот на Армијата генерал-мајор Сашко Лафчиски и амбасадорот на ЕУ во нашата држава Михалис Рокас, беше презентирана новодобиената опрема за македонската Армија набавена преку ЕУ/Европскиот мировен фонд.
Новодобиената опрема, која се проценува во вредност од околу 40 милиони евра, опфаќа извидувачко-разузнавачки средства, инженерска опрема, инженериски возила, средства за логистичка поддршка, како и санитетска опрема и санитетски возила.
За време на настанот беше реализирана и тактичка вежба на која се прикажа демонстрација на оперативни способности и здружено разузнавање, кое претставува едно од најкритичните задачи во современите операции.
На денешната презентација присуствуваа и претставници на Европската комисија, Европската служба за надворешни активности (EEAS), Делегацијата на Европската Унија во Република Северна Македонија, ITF и DCI.
