Вчера, 26-ти Февруари, во Командата за обука и доктрини (КОД) се реализира посета од страна на инспекторски тим согласно одредбите на „Виенски документ 2011“. Инспекторскиот тим составен од четири инспектори од Вооружените Сили на Република Бугарија беше придружуван од претставници од одделението за контрола и верификација на вооружувањето од Секторот за меѓународна соработка во Министерството за одбрана на Република Македонија.
Инспекторскиот тим беше пречекан од Командантот на КОД полковник Љупчо Костовски и главниот координатор на активноста Началникот на Штаб полковник доц. д-р Зоран Јовановски.
Од страна на клучниот персонал, инспекторскиот тим се запозна со мисијата, задачите, организациско формациската структура, активностите и состојбите кои се однесуваат според одредбите од „Виенски документ 2011“.
