На ден 07.06.2024 година, заврши двонеделниот Курс за држење на брифинзи на англиски јазик (КДБАЈ1/24) во просториите на Центарот за странски јазици (ЦСЈ) во касарната „Илинден“ – Скопје.
КДБАЈ1/24 е специјализиран курс наменет за слушатели кои треба да стекнат вештини за држење на воени брифинзи на англиски јазик во меѓународна средина. Слушателите имаа можност да ги стекнат и практично применат вештините за планирање, подготовка и давање на воени брифинзи на англиски јазик. На овој курс се разработуваат четири вида на воени брифинзи и тоа: брифинг за информирање, за донесување одлуки, за мисија и за штаб.
Во текот на курсот слушателите имаа можност да дадат брифинзи од две, три, пет и десет минути каде ги употребија сите потребни елементи на воените брифинзи и добија соодветни повратни информации. Курсот го одржаа четири професорки од ЦСЈ со долгогодишно искуство во држење настава и со посебна професионална обука за креирање на наставни материјали и специјализирани курсеви.
