Во период од 27.05.2024 година до 04.07.2024 година, во Центарот за индивидуална обука од составот на Командата за обука и доктрини (КОД) се реализираше Борбено-штабен курс за подофицери 2-24.
Целта на курсот е слушателите да се запознаат со функционалните должности и одговорности на штабните подофицери и воедно да се запознаат со местото и улогата на подофицерите во процесот на донесување на воена одлука. По завршување на курсот, слушателите со новостекнатите знаења ќе бидат оспособени за работа во штаб на ниво на баталјон/бригада.
За време на свечениот завршеток на слушателите им беа доделени сертификати од страна на заменик-командантот на КОД, полковник Лулзим Нуредини. Во своето обраќање тој им посочи дека целокупниот труд и ангажирање ќе бидат секогаш следени и вреднувани, а воедно напомена дека стекнатите знаења, постигнати од успешното совладување на содржините кои се реализираа на курсот, да ги применуваат во своите матични единици.
