По повод новогодишните и божиќните празници, воздухопловниот ВИНГ традиционално организираше акција за разубавување на празниците на одредена група на дечиња.
Годинава во соработка со органите на јавните установи беа обезбедени 45 (четириесет и пет) новогодишни пакетчиња, кои денеска беа поделени на учениците од Државното училиште за рехабилитација на деца и млади со оштетен вид (ДУРДМОВ) „Димитар Влахов“ – Скопје, од страна на началникот на штаб на вВИНГ и началниците на секции А-5 и А-9 на вВИНГ.
Посетата е дел од соработката којашто ја има вВИНГ со цивилните структури, а е со цел продлабочување на соработката и доближување на Армијата до граѓаните на Република Северна Македонија, како и помош на најранливите категории.
Како благодарност за донацијата, од страна на најмладите беше организирана претстава.
