Согласно годишниот календар за обука на командата и штабот на 1.пешадиска бригада (1.пбр), клучниот персонал од командата и штабот на 1.пбр и командантите на потчинетите единици од составот на 1.пбр реализираа командантско извидување во зоната на одговорност во источниот дел на државата, во поширокиот реон на Македонска Каменица.
Целта на оваа активност беше извидување на просторот како дел од обуката за тактичко планирање и согледување на воено-географските карактеристики на теренот, организација на одбраната и начинот на содејство и координација со останатите субјекти.
Во рамки на командантското извидување, беше посетена ХЕЦ „Калиманци“ кај Македонска Каменица, каде од страна на вработените беше нагласена важноста и значајот на акумулацијата од економски и воен аспект.
ГЃ/БН
