Во касарната „Кузман Јосифовски-Питу“ во Тетово, со воена свеченост, припадниците на 3. пешадиски баталјон (3.пб) од составот на 1. пешадиска бригада (1.пбр) и останатите единици сместени во касарната, го одбележаа 25 февруари- патронатот на касарната и осумдесет и една година од загинувањето на народниот херој Кузман Јосифоски – Питу.
На одбележувањето присуствуваа: делегација од командата и штабот на 1.пбр, делегација од 3.пб, претставници од Сојузот на борци од Тетово, Сојузот на борци од Гостивар, ОРОМ од Тетово, Сојузот на воени инвалиди, Одборот на бранители од Тетово и претставници на локалната самоуправа, владини и невладини организации, претставници од државниот и приватниот сектор со кои командата на гарнизонот Тетово остварува одлична соработка, кои со полагање на свежо цвеќе му оддадоа почит на народниот херој Кузман Јосифовски-Питу.
Пригоден говор, по повод патрониот празник на касарната во Тетово, одржа командантот на 3.пб, потполковник Томица Ристоски, кој се осврна на животот и делото на Кузман Јосифовски-Питу, истакнувајќи дека со одбележувањето на патронатот секоја година придонесуваме неговото име и дело да останат во сеќавањата на идните генерации и поколенија.
Претходно, по повод овој ден, во касарната беше спроведена крводарителска акција од страна на вработените во гарнизонот Тетово, при што беа дарувани 89 единици крв.
ТР/ГЃ/ДЧ
