На АП „Криволак“, припадниците на втор пешадиски баталјон (2.пб), од составот на прва пешадиска бригада (1.пбр), реализираа тактичка вежба со командирски гаѓања (ТВКГ) со водовите од составот на прва пешадиска чета (1.пч) и NATO response force (NRF) водот, подржани од артилериско гаѓање на минофрлачки вод (артилериско боево гаѓање – АБГ) со минофрлач 120 мм.
Согласно постигнатите резултати, се потврдија професионализмот и дисциплината на учесниците, како и одличната подготовка и организација за реализација на гаѓањето од страна на припадниците на 2.пб.
Персоналот е подготвен за изведување на офанзивни борбени дејства, комбинирање на напад и движење во текот на изведување на нападот, а во соработка со тимот од 4.SFAB (Security Force Assistance Brigades) од Воените сили на САД и NRF.
На гаѓањата присуствуваше и командантот на 1.пбр, бригаден генерал Сашко Лафчиски.
ДЈ/ГЃ/СЛ
