Во период од 4 до 7 ноември на АП ,,Криволак“, припадниците на артилерискиот баталјон (артб) од составот на 1. пешадиска бригада, реализираа стационарно логорување и артилериски боеви гаѓања.
За време на логорувањето на АП ,,Криволак“ можеше да се види одлична извежбаност и подготвеност на единицата на терен, демонстрирана со успешна реализација на артилериските боеви гаѓања со повеќецевен ракетен фрлач (ПЦРФ 128 мм).
Реализацијата на вакви гаѓања бара добра извежбаност и брзина за уништување на целите од страна на посадите за што е потребен висок степен на обученост, добра кондиција и координација, што практично и беше прикажано.
Гаѓањето беше проследено од претставници на Командата за операции, претставници од 1.пешадиска бригада и питомци од родот артилерија од Воената Академија ,,генерал Михаило Апостолски“ Скопје.
ВХ/ГЃ/БН
