Мисија и задачи:
Мисијата на единицата е да ги одржува воздухопловите во меѓуремонтниот ресурс, опслужување на летањето и снабдување со ВУМС и резервни ВТМС и ТМС.
Под одржување на воздухопловите се подразбира периодични прегледи (50 ч ПП, 100 ч ПП, 200 ч ПП), замена на витални делови, поправка и замена на подсклопови, склопови, агрегати и системи на воздухопловите. Конзервација и чување на неоперативните воздухоплови.
Под опслужување на летањето се подразбира снабдување со воздухопловни горива, мазива, масти и гасови, земско напојување на воздухопловите, привлекување и отстранување од полетно слетните површини при неисправност, осветлување и наведување на писта.
Под снабдување се подразбира складирање, чување и дотур на воздухопловни убојни материјални средства и складирање, чување и дотур резервни ВТМС и ТМС.
мајор Мухамед Бучи
Сквадронот за воздухопловно техничко одржување е формиран 1992 година, со формирањето на военото воздухопловство и против воздушна одбрана. (ВВ и ПВО). Активно почнува да функционира со одржување на воздухопловите Утва 66 и 75.
Интензитетот на работа се зголемува со пристигнувањето на хеликоптерите Ми-17 во 1994 година и авионите Злин 242Л во 1996 година. 2001 година по доаѓањето на хеликоптерите Ми-24 и авионите Су-25 дел од персоналот беше на обука во Р. Украина по што се зголеми нивото на обученост на персоналот.
Персоналот е обучен за одржување и опслужување на Ми-8, Ми-17, Ми-17В5, Ми-171, Ми-24, УХ-1Х, Су-25, Злин 242Л, Злин 143Л и Ан-2.
Во поглед на одржувањето и опслужувањето на воздухопловите денеска имаме соработка и им помагаме на МВР и ДЗС и ЦОП.
