Денес, (27.03.2014 година) ученици од средното фискултурно училиште „Методија Митевски Брицо“ и гимназијата „Никола Карев“ од Скопје остварија посета на полкот за специјални операции (пСО). Оваа посета е дел од соработката која пСО ја има со цивилните структури.
На учениците им се обрати командантот на пСО бригадниот генерал Васко Ѓурчиновски кој им посака добредојде и убав престој во касарната, потенцирајќи ја можноста учениците одблиску да се запознаат со она што го работат припадниците на пСО.
Околу 80 ученици кои беа присутни, имаа можност да се запознаат со вооружувањето и опремата со прикажување на тактичко технички збор, на кој беа изложени возилата и вооружувањето кои ги користи единицата. За учениците беа организирани показните вежби: „Работа и постапки на контролна точка“, „Демонстрација на употреба на повеќенаменска алпинистичка кула“ и „Обезбедување на високи воени раководители“.
Учениците беа воодушевени од прикажаното, при што дел од нив искажаа желба да станат идни припадници на АРМ и пСО.
