Се реализираа јубилејните петти по ред „Ренџерски игри“. Издржливост, физичка спремност, ментална и воено-стручна подготвеност беа елементите низ кои по петти пат беа избрани најдобрите и најспремните припадници на Ренџерскиот баталјон.
Во периодот од 19-22.11.2018 година на полигоните во касарната „Илинден“ и на стрелиштето „Стенковец“ се реализираа дисциплините во кои се натпреваруваа екипите од баталјонот. Дисциплините беа војнички и колку што е можно пореални до оние кој војникот ги сретнува на боиштето. Секоја екипа го даваше својот максимум за време на натпреварите.
На крајот од игрите беа прогласени најдобриот поединец и најдобриот тим на „Ренџерските игри“ а воедно нивните имиња беа испишани на обележјето посветено на овие игри. Полкот за Специјални Операции во понатамошниот период планира овие игри да ги отвори за учество на екипи и од останатите единици од полкот и АРМ.
