Во периодот од 28.11. до 02.12.2019 година припадници на баталјонот за почести, како претставници на нашата Армија учествуваа и беа дел од на воената парада по повод прославата на 101 година од националниот ден на Република Романија.
Воената парада која се реализираше пред Триумфалната порта во Букурешт, како традиционален настан се организира на 1 декември, а на годинешното дефиле учествуваа повеќе од 20 држави со преку 500 припадници, околу 4000 припадници на вооружените сили и безбедносните институции на Република Романија, со борбена техника и воздухопловни средства.
Учеството на припадниците на Армијата од составот на баталјонот за почести беше одлична можност за презентација на обученоста и строевата изграденост при учество важен настан од меѓународен карактер. Учеството со ешалон на воената парада во Република Романија претставува уште една потврда за одличната соработка и взаемна доверба и почит помеѓу двете Армии, но и вовед во идна соработка како сојузници во НАТО алијансата.
Во деновите на престој покрај подготовките за воената парада, припадниците од баталјонот за почести имаа можност да учествуваат на културни настани и посети во организација на вооружените сили на Република Романија. Во рамки на посетата, дел од припадниците на баталјонот за почести имаа можност да се сретнат со Амбасадорот на Република Северна Македонија во Република Романија, господинот Габриел Атанасов.
