Во периодот од 03.02.2014 година до 07.02.2014 година согласно годишниот план за обука, припадниците на оклопно извидувачките водови од 1. и 2. механизиран пешадиски баталјон (1.мпб и 2.мпб) во реонот на “Красте” Куманово и „Лисец“ во Штип реализираа обука во зимски услови.
Целта на обуката е нивно стручно и методско оспособување и извежбување во организација и извршување на борбени задачи во зимски услови, движење во снег, совладување на снежни пречки со формациски и прирачни средства како и работа во зимски услови.
Во реализацијата на обуката беше планирано и изработка на објекти од снег во планина во зимски услови, ставови за гаѓање со лично вооружување во зимски услови, прва помош при смрзнатини и евакуација на повредени, реализација на кондициони маршеви, начин на движење во планински предели и длабок снег.
За успешно соочување со предизвиците кои со себе ги носат зимските услови, пред се планинските предели потребно е да се биде психофизички подготвен. Нашите припадници беа подготвени да се соочат со горе наведените предизвици, но за одредени теми поради недостаток на снег во Куманово дел од планираните активности се заменети со теми прилагодливи со условите за живот и работа во теренски услови, но сепак успешно и тоа на ниски температури, ветер и каллив терен.
