На ден 25 и 26.12.2019 година, по повод Новогодишните и Божиќните празници, воздухопловниот ВИНГ(вВИНГ) традиционално организира акција за разубавување на празниците на деца од социјално загрозени семејства и деца со пречки во развојот.
Пакетчињата ги подели командантот на вВИНГ, полковник Стојко Пејовски со припадници од единицата, на деца од: Државното училиште за рехабилитација на деца и млади со оштетен вид „Димитар Влахов“ – Скопје, посебното основно училиште „Др. Златан Сремац“ – подрачна паралелка Ѓорче Петров, граѓанско родителската организација која ги застапува правата и интересите на лицата со интелектуална попреченост „Порака Наша“ Куманово. Пакетчиња беа поделени и на децата од селото Сушица како најодалечено село во опшината Петровец, на деца од социјално ранлива катеорија, кои се под раководство на СОС-Детско село Скопје и на деца од социјално ранливи семејства во општините Студеничани и Зелениково.
При посетата на наведените установи, Командантот на вВИНГ и припадниците од единицата, имаа можност да се запознаат со методите на едукација и социјализација кои се применуваат во образовниот процес.
Посетата е дел од соработката која што вВИНГ ја има со цивилните структури.
ГИ/БН
