Во период од 09.02-13.02.2015 година припадници oд 3.механизиран пешадиски бататалјон (3.мпб) и инженерискиот баталјон (инжб) од составот на 1.механизирана пешадиска бригада (1.мпбр), на повеќе локации во реонот на Попова Шапка реализираа обука во зимски услови.
Обуката се реализираше според однапред подготвен план, низ различни теми: движење по длабог снег, изработка на објекти за престој и завземање на ставови за гаѓање со скии, припадниците од единицата се стекнаа со посакуваните вештини за извршување на задачите во зимски услови.
Учесниците во обуката, се запознаа и со управувањето со моторни санки, давање на прва помош при смрзнатини, скршеници и снежно слепило, изработка на мечкина дупка, ескимско игло и планински бивак, а воедно и практично престојуваа во истите.
Низ обуката, припадниците од единиците практично ја демонстрираа високата обученост за извршување на задачи во сложени временски и просторни услови.
