Во период од 20.04 до 24.04.2015 година во касарните „Јане Сандански“ – Штип и „Кузман Јосифовски – Питу“ во Тетово припадниците од 2. и 3. механизиран пешадиски баталјон реализираа обука на тема: „Борба во урбана средина“.
Обуката започна со теоретските општи одредби за да истата продолжи практично во полигоните за обука во касарните каде што беа реализирани темите: формации, техники на движење и носење на оружје во урбана средина, заклони, огнени позиции и движење под оган во урбана средина, патролирање, контакт и реакција на контакт, упат во објект и чистење на простории, движење во населено место. Исто така беа реализирани и техники за совладување на прозор, врата, агол, раскрсница како и техники за влегување во просторија.
Темите предизвика голем интерес кај припадниците вклучени во обуката и истите максимално се залагаа во обуката што резултираше со усвојување на нови знаења и вештини.
