Во период од 18.02-20.02.2025 година, се реализираше обука од областа на цивилно-воената соработка (ЦВС) на тимот за цивилно-воена соработка од Првата пешадиска бригада (1.пбр).
Обуката беше реализирана од страна на тимот за цивилно-воени односи (CAT) од 21. Команда за одржување на боиштето (21. Theater Sustainment Command) од Армијата на САД.
За време на обуката беа разработени повеќе теми од оваа област при изведување на операции на НАТО и начинот на спроведување на активностите во делот на ЦВС.
За време на практичниот дел на обуката, слушателите ги користеа НАТО прирачниците „NATO CIMIC Handbook“ и „CIMIC TTPs“.
Обуката претставува дел од активностите, кои се фокусирани на сегментот на ЦВС со цел зајакнување на стручноста на армиските припадници од 1.пбр во оваа област, како и начинот на изведување на ваквите активности во мултинационални средини за поддршка на мировни операции и меѓународни вежби.
ГЃ/ДЧ
