Во период од 5 до 09.05.2014 година во касарните “Боро Менков” Куманово и „Јане Сандански“ Штип беше реализирана основна снајперска обука со војниците кои се формациски поставени како снајперисти од составот на 1.механизиран пешадиски баталјон, 2.механизиран пешадиски баталјон и инжинериски баталјон.
Обуката беше реализирана од страна на инструктори од составот на ренџерскиот баталјон од полкот за специјални операции. Основната обуката започна со прикажување на наставен филм за историската важност на снајперистот во борба, за истата да продолжи практично да се реализира на полигонот за обука во касарната „Боро Менков“ каде што беа реализирани следните теми: намена, борбени особини, ТТ-карактеристики на снајперската пушката, начин на маскирање и маскирање, детекција и селекција на цели, наблудување и скицирање и одредување на далечина до целта.
Темите за слушателите на курсот предизвика голем интерес и истите се вклучија максимално во обуката што резултираше со стекнување на нови вештини и знаења како и потврдување и надградување на претходно стекнатите. На последниот ден од обуката се реализираше гаѓање на стрелиштето „Пенуш“ во Штип со снајперската пушка на кое беа соединети сите елементи и постапки реализирани за време на обуката.
