Асоцијацијата на одбранбени аташеи акредитирани во Република Македонија како дел од програмата за соработка со Армијата на Република Македонија денес реализира посета на Здружената оперативна команда (ЗОК).
По одржаната презентација на која одбранбени аташеи се запознаа со мисијата, структурата и основната функција на единиците од ЗОК, на стрелиштето „Красте“ се реализира и натпреварувачко гаѓање со пиштол.
На гаѓањето кое имаше натпреварувачки карактер помеѓу Асоцијацијата на одбранбени аташеи и припадници од ЗОК најдобри резултати во екипниот дел постигна екипата од ЗОК, додека на поединечно, првото место припадна на заменикот на командантот на ЗОК.
