За кратко време од отпочнување на извршување на задачите во мисијата „Одлучна поддршка“ македонските мировници продолжија да докажуваат дека со врвен професионализам и посветеност во извршување на задачите остануваат посакуван партнер за соработка од земјите членки на НАТО и останатите коалициони сили кои учествуваат во мисијата.
Уште еден доказ за ова е доделување на одликување од Владата на Соединетите Американски Држави “Afghanistan Campaign Medal” на командирот на водот за заштита на силите oд контингентот на АРМ, капетан Марјан Гугуљанов.
Одликувањето го врачи командантот на баталјонот за поддршка и обезбедување на главната команда на мисијата „Одлучна поддршка“, американскиот полковник Пол Џонсон на пригодна церемонија која се одржа на 24. Март 2015 година.
Ова одликување претставува дополнителен поттик и предизвик за сите припадници на АРМ кои учествуваат во мировната мисија за постигнување уште поголеми успеси со што на најдобар начин ја афирмираат Армијата.
