На ден 27.09.2019 година дечиња од општинската детска градинка „Буба Мара“, од општина Аеродром остварија неколку часовна посета на воздухопловната бригада (вбр) како дел од цивилно воената соработка која вбр ја одржува со цивилните структури.
Дечињата за време на посетата имаа можност да се запознаат со дел од персоналот од воздухопловната бригада и работните обврски кои ги извршуваат. На задоволство на посетителите, беа изложени неколку воздухоплови во кои дечињата имаа можност да влезат и да ги разгледуваат. Покрај воздухопловите се наоѓаше персонал од вбр кои одговораа на прашањата на заинтересираните дечиња.
Ваквиот вид на соработки од делот на цивилно воената соработка продолжуваат и во понатамошниот период со голем број на училишта и градинки од Република Северна Македонија.
ГИ/НЈ
