Во период од 08-09.10.2019 година припадниците од 3.механизиран пешадиски баталјон (3.мпб) од составот на 1. механизирана пешадиска бригада реализираа ситуационo тактички вежби.
Ситуационo тактички вежби се реализираа на повеќе локации и тоа: во мирновремените локаци во касарната во Тетово, во реонот на Еребино и с. Раотинце. Истите беа реализирани согласно однапред изготвен план по различни теми, преку кои припадниците на 3.мпб се проверува во стекнатите знаења и вештини за извршување на задачите како и за дообука на новопримениот персонал.
Со реализираните вежби, персоналот од 3.мпб, практично ја демонстрира високата обученост за извршување на задачи во различни временски и теренски услови и се стекна со потребното искуство за извршување на секојдневните задачи на единицата.
ЗА/ИЕ/СМ/ЧС
