Во период од 22.02. до 02.03.2021 година питомците од втора година од Командата за обука и доктрини од Центарот за обука на питомци реализираат практична настава – обука во зимски услови на скијачките терени „Колашин“ во Црна Гора.
За време на реализацијата на обуката во зимски услови питомците, со запазување на сите превентивни мерки при заштита од COVID-19, ги совладуваат основните елементи, вештини и строеви работи во скијање, нордиско трчање, ставови за гаѓање со скии, користење на жичарница и ски лифт како и изработка на засолништа за преживување во зимски услови. Обуката се изведува од страна на тројца стручно оспособени инструктори, кои на најефикасен начин го пренесуваат своето знаење и вештини при скијање и потпомагаат во нивно усовршување.
Сите вештини од основната обука во зимски услови што ќе ги стекнат питомците се потребни за секој иден современ и добро обучен НАТО офицер на нашата Армија, особено при реализација на борбени задачи за кои има потреба да се реализираат во зимски услови.
