Како надополнување на процесот на обука, во периодот од 27.04.2021 до 28.04.2021 година во Баталјонот за врски беше реализирана вежба за поставување на центар за врски со вод за подвижни комуникациско-информациски центри. Вежбовните активности се реализираа во реонот на Борула и Плачковица.
Во текот на активноста, послугите на станиците за врски го потврдија достигнатото ниво на обученост, преку воспоставување на планираните врски, проследување на потребните информатички сервиси до крајните корисници во теренски услови како и нивна експлоатација во денски и ноќни услови на работа.
Стекнатите знаења и искуства низ процесот на обука и вежби во Баталјонот за врски, персоналот од единицата ќе ги искористи за обезбедување на комуникациско-информациска поддршка на вежбата „Одлучен удар 21“.
