На ден 10.09.2014 година (среда) во касарната „Н. Х. Кузман Јосифовски-Питу“ во Тетово, припадниците на 3.механизиран пешадиски баталјон (3.мпб) од составот на 1.механизирана пешадиска бригада (1.мпбр) изведоа методско-нагледна вежба по темите: „Правило за сместување и ред во АРМ“, „Правило за распоред на работното време во АРМ“ како и реализација на „Планот за утринска смотра“.
Целта на изведувањето на методско-нагледната вежба беше еднообразност при изведувањето на активностите опфатени со Правилата во сите единици потчинети на 1.мпбр.
Вежбата беше реализирана низ работни точки и тоа: подготовка на магацин согласно „Правилото за употреба и одржување на ТМС во АРМ“, изглед на вооружана со потребна документација, војничка спална соба, училница и санитарен јазол.
На методско-нагледната вежба присуствуваа командантите на баталјоните и командирите на чети од сите гарнизони од составот на 1.мпбр.
