На ден 13.05.2015 година, ученици од општинско основно училиште „Невена Горгиева- Дуња“ од Скопје, остварија посета на воздухопловната бригада (вбр) врз основа на цивилно воената соработка која бригадата ја има со цивилните структури во Република Македонија.
За време на престојот во вбр учениците се запознаа со професијата и мотивација за професијата воен пилот, како и со вооружувањето, опремата и редовните активности на бригадата и друго за кое децата искажаа интерес.
Најголем интерес за младите посетители претставуваа дел од воздухопловите кои беа изложени и кои тие имаа можност да ги разгледаат и да добијат повеќе информации од пилотите и техничарите-летачи.
На крајот од посетата, учениците беа воодушевени од се она што им беше прикажано при што голем број од нив искажаа желби за во иднина да се определат за професијата воен пилот на АРМ.
