Во рамки на програмата за одбележување на 10-ти јуни – Денот на воздухопловната бригада (вбр), на ден 26.05.2015 година на спортскиот терен во касарната „НХ Страшо Пинџур“ се одржаа спортски натпревари.
Припадниците од командата и потчинетите единици од вбр се натпреваруваа во дисциплините: кошарка, мал фудбал, пинг-понг и шах.
На натпреварите во кои учествуваа единиците во состав на вбр, првите места во дисциплините: шах, кошарка и пинг понг ги освои сквадрон на борбени хеликоптери, а во мал фудбал екипата од сквадронот на транспортни хеликоптери.
На најдобрите екипи и поединци на свеченоста по повод денот на единицата ќе им бидат доделени признанија.
